Gongora: bereizi birziklatzeko
Aurrez aurreko bisita
Azken Edukia
Agur esango diegu hondakinak tratatzeko zentrorako bisitei
Azken bisitak! Gongorak ateak itxiko dizkio publikoari 2026ko azaroan
Ikasle-taldeek gure eskualdeko hondakinak kudeatzeko funtsezkoa izan den instalazio bat bertatik bertara ezagutzeko azken aukera da hau. Bisitak, orain arte ezagutu ditugun moduan, azaro arte egin ahal izango dira, eta, hala, etapa baten amaiera izango da, hondakinen tratamendua Imarkoainen egongo den Iruñerriko Ingurumen Zentroaren (IIA) instalazio berrietara lekualdatu aurretik.
34 urte hondakinak kudeatzen eta Iruñerriaren garapena eta ongizatea sustatzen
Zabaldu zenetik, Gongora funtsezko oinarria izan da gure erkidegoaren garapen iraunkorrerako. Ibilbidearen 34 urte hauetan, instalazioa bilakaera izaten joan da, birziklapenaren eta hondakinak bereiztearen arloko erronka handiei aurre egin ahal izateko. Denbora honetan guztian, zentroan bisita egiten lagun egiteko plazera izan dugu Mancoeducan, hondakinak berreskuratzeko prozesua modu didaktikoan, hurbilean eta parte hartzekoan erakusteko helburuarekin.
Gongora ixtea beharrezkoa den aurrerapena da, hondakinen kudeaketa hobetzeko eta Europak ezartzen dituen helburuak lortzeko. Hartara, Imarkoainen egongo den Iruñerriko Ingurumen Zentroa erreferentziazko tokia izango da ekonomia zirkularra bultzatzeko.
Zuen ikasleak Gongorara ekartzea une honetan aukera pedagogiko handia da: egungo prozesua bizipenen bidez ulertzeko bidea emango die, eta bai etorkizun hurbilean biziko dugun jauzi teknologikoa baloratzeko bidea ere (Imarkoainerako eskola-bisitak ez dira hasiko 2028a baino lehen).
Erreserbatu zuen bisita agurraren aurretik! Plaza-kopurua mugatua izango da
Anima zaitezte heziketa-esperientzia hau zuen taldearekin bizitzera. Behin betiko itxi aurretik eskola-bisitak egiteko epea 2026ko azaroan amaituko da.
Lotutako jarduerak