Aurten, berriro bidaiatu eta harremanak izan ditugu, eta inoiz baino gogotsuago egin dugu, gainera. Hori hala izatea ospatzeko, irailaren 16an Mugikortasunaren Europako Astea hasiko da. “Hobeki konektatzen” lelopean, sentsibilizatzea eta hiri-mugikortasun iraunkorraren inguruko ekimenak sustatzea du helburu. Hobeki konektatzen ikasi nahi duzu?
Mugikortasunaren Europako Astea eta Autorik gabeko Mundu Eguna
Urtero, irailaren 16a eta 22a artean, Mugikortasunaren Europako Astea egiten da, Europar Batzordeak hiri-mugikortasun iraunkorra sustatzeko egiten duen kanpaina nagusia. Horrez gain, aste hori Autorik gabeko Mundu Egunak amaitzen du, herritarrak autorik ez erabiltzera animatzen den eguna.
Mugikortasunaren Europako Astearen xedea da mugikortasun aktiboa eta garraio publikoaren eta beste garraio-modu garbi eta adimendun batzuen erabilera sustatzea. Aurtengo leloak, “Hobeki konektatzen”, mugikortasunari dagokionez normaltasunera itzultzea ospatzen du eta hobeki konektatuta dagoen garraio baten alde egiten du, pertsonak eta tokiak hobeki konektatzeko bidea emango duen garraio baten alde.
Etorri hiri-garraioan!
Mugikortasunaren Europako Astearen kanpainak garraio publikoaren erabilera nabarmentzen du, aurtengo ildo tematikoek adierazten duten moduan, “garraio publikoa gure bazkide pribilegiatua da, elkarrekin lotzeko, segurtasunez bidaiatzeko eta ingurumena babesteko (...)”. Garraio iraunkorra sustatzea Mancoeducaren zutabeetako bat da eta, horregatik, Mugikortasunaren Europako Astearen eta Autorik gabeko Mundu Egunaren kanpainarekin bat egin nahi dugu, billabesaren erabileraren bidez.
Mancoeducaren jarduera batera joan behar duzue? Hiri-garraioan joan zaitezte! Hartara, Mancoeducaren jarduera batera billabesaz bidaiatzen duten lehenbiziko ikastetxeek garraio-txartel bat jasoko dute, kargatuta egongo dena, ikastetxera itzultzea doakoa eta isurpen gutxikoa izan dadin.
Ikasgelan lan egiteko:
Ikastetxeek funtsezko eginkizuna betetzen dute kontzientzia sortzeko eta ohitura osasungarriak eta iraunkorrak sustatzeko orduan. Hiri-garraioan bidaiatzeaz gain, ikasgelan mugikortasun iraunkorra eta kutsaduraren ondorioak landu nahi badituzu, zuretzat egokiak diren jarduerak dauzkagu:
-
Ni berdean mugitzen naiz (Haur Hezkuntza)
-
Soinu atseginak entzuten dira gure auzoan? (Haur Hezkuntza)
-
Klima-aldaketak mugiarazten gaitu (Lehen Hezkuntzako 1., 2. eta 3. mailak)
-
Zarata hirian (Lehen Hezkuntzako 1., 2. eta 3. mailak)
-
Klima-aldaketa eta arnasten dugun airea (Lehen Hezkuntzako 4., 5. eta 6. mailak)
-
Kutsadura atmosferikoa eta klima-aldaketa (Lehen Hezkuntzako 4., 5. eta 6. mailak)
-
Billabesako istorioak (Lehen Hezkuntzako 4., 5. eta 6. mailak eta DBHko 1. maila)
-
Scape busa: ohitura onak hobeki bidaiatzeko (Lehen Hezkuntzako 4., 5. eta 6. mailak eta DBHko 1. maila)
-
Nik autobusez bidaiatzen dut (DBHko 1., 2., 3. eta 4. mailak, Batxilergoa, Lanbide Heziketa eta Erdi-mailako Gradua)
-
Hiri-espazioa eta mugikortasun iraunkorra (DBHko 1., 2., 3. eta 4. mailak, Batxilergoa eta Lanbide Heziketa)