Mancoeduca Iruñerriko Mankomunitatearen ingurumen-heziketarako programa da. Ikastetxeetarako da, eta xedea da Iruñerriko ikasleen iraunkortasunerako heziketan laguntzea eta bai, ingurumenari dagokionez, arduratsuak diren jardueren gainean sentsibilizatzea ere.
Mankomunitateak Iruñerriko 50 udalerri hartzen ditu barne, eta udalerri horietako herritarrentzat uraren, hondakinen, hiri-garraioaren, taxiaren eta eskualdeko ibai-parkearen zerbitzuak kudeatzen ditu. Zerbitzu horiekin lotuta, Mancoeducaz gain, herritar ororentzako, talde antolatuentzako, beste programa batzuk ere sustatzen ditu, eta bai sentsibilizazio-jarduerak ere informazio-zentroetan, besteak beste, San Andres Errotan, Atarrabiako Pilategian, Artetako iturburuan eta Mendillorriko ur-biltegietan.
Programaren proposamenek Mankomunitateak kudeatzen dituen zerbitzuekin lotutako gaietan jartzen dute arreta, ingurumen-arazoak gerturatzen dizkiete ikasleei eta Mankomunitatearen kudeaketa-instalazioak erabiltzen dituzte, egokitutako heziketa-gune moduan. Irakasleen lana babestera zuzenduta dago programaren eskaintza eta horretarako jarduerak, proiektuak, unitate didaktikoak eta baliabideak dituzte eskuragarri.
Mankomunitateak irisgarritasun unibertsalarekin duen konpromisoari jarraipena ematen dio programak. Neurri horiek, hain zuzen, gure Irisgarritasun-gidan jasota daude eta haren bideo-aurkezpenean.
Intereseko zerbait aurkitzea espero dugu, zuk behar duzunera egokituko dena.