Gure hamaiketakoak iraunkorragoak izan daitezke? Ogitartekoa aluminiozko paperean biltzen dugunean, kudeatzen eta berreskuratzen zaila den hondakin bat sortzen ari gara. Tailer honetan, gure eguneroko bizimoduan hain ohikoa den material hau erabiltzeak dakarren ingurumen-arazoa erakusten saiatuko gara. Horretarako, ikasleek atsedenaldian sortu dituzten hondakinen auditoretza hartuko da abiapuntutzat eta bai aluminiozko paperak eragindako CO2 gasen isurpenen kalkulua ere.
Gainera, aurkezpen bat baliatuta, aluminiozko paperaren erabilerak, kostuak eta egitetik eratortzen diren arazoak ezagutuko ditugu. Azkenik, ikasleek alternatibak bilatuko dituzte, hondakinak murrizteko banakako eta taldeko konpromiso batera iristeko, klima-aldaketa geldiarazteko ekintza moduan.
GARAPEN IRAUNKORRERAKO HELBURUAK:
Hauekin lan egiten dugu
Tailerra ongi egin ahal izateko, ikasleek ikusgai izango dute beren hamaiketakoa edo sortu duten hondakina. Tailerra egingo den egunean, irakasleak dokumentu hauen kopiak eginda izango ditu:
"Hondakinik gabeko hamaiketakoa. Jarraipena" eta "Ingurumen-konpromisoa. Hondakinik gabeko hamaiketakoa".
